ԿԳՄՍ նախարարությունը հետաձգել է ուսուցիչների կամավոր ատեստավորման օրերը
ԿԳՄՍ նախարարի նոր հրամանով ուսուցիչներին տրվել է լրացուցիչ ժամանակ ատեստավորմանը պատրաստվելու համար:
ՀՀ կրթության, գիտության, մշակույթի և սպորտի նախարարությունը հայտնում է, որ ուսուցիչների կամավոր ատեստավորման ժամանակացույցում կատարվել են փոփոխություններ։ Դրանք սահմանվել են ՀՀ ԿԳՄՍ նախարարի 2025 թվականի հոկտեմբերի 27-ի N 2514-Ա/2 հրամանով։
Ըստ նախարարության՝ ատեստավորման անցկացումը մեկ շաբաթով հետաձգվել է՝ հաշվի առնելով բազմաթիվ ուսուցիչների կողմից ներկայացված դիմումները և նրանց պատրաստվածության հետ կապված մտահոգությունները։ Այս փոփոխությունը նպատակ ունի ուսուցիչներին տրամադրել լրացուցիչ ժամանակ՝ որակավորման քննություններին ավելի արդյունավետ պատրաստվելու համար։
Թարմացված ատեստավորման օրացույցը հասանելի է հրամանին կից հավելվածում՝ նախարարության պաշտոնական կայքում։
