Տղամարդը թունավորել է կնոջը ցիանիդով, երբ վերջինս փորձել է ամուսնալուծվել նրանից․ ԱՄՆ
ԱՄՆ-ի Նյու Յորք նահանգի Լոնգ Այլենդ քաղաքում ոստիկանությունը բացահայտել է ողբերգական դեպք․ 53-ամյա Ասիֆ Քուրեշին մեղադրվում է իր կնոջ՝ 46-ամյա Ալինա Ասիֆի սպանության մեջ։
Նախաքննության տվյալներով՝ տղամարդը հարձակվել է կնոջ վրա այն բանից հետո, երբ նա ստացել էր ամուսնալուծության փաստաթղթերը։ Ասիֆը առավոտյան երեխաներին տարել էր դպրոց և վերադառնալով տուն՝ կատարել հանցագործությունը։ Ոստիկանությունը պարզել է, որ կինը մահացել է շնչահեղձությունից՝ քիմիական նյութով, որը, ըստ փորձագետների, նման է ցիանիդի։
Ալինան նախկինում ևս դիմել էր դատարան ամուսնալուծության պահանջով, սակայն զույգը ժամանակավորապես հաշտվել էր։ Այս տարի կինը կրկին որոշել էր բաժանվել, իսկ ամուսինը՝ որը նախկինում մեղադրվել էր ընտանեկան բռնության մեջ, կրկին ցուցաբերել է ագրեսիվ վարք։ Նրա դեմ նախկինում ևս եղել են բողոքներ։
Դատարանի որոշմամբ Ասիֆ Քուրեշին մնալու է կալանքի տակ՝ առանց գրավի իրավունքի։ Զույգի երեք երեխաներն այժմ գտնվում են ազգականների խնամքի տակ։
