Հենրիխ Մխիթարյանը մեկ ամսով դադար է վերցնում վնասվածքի պատճառով
Հայաստանի ազգային հավաքականի լավագույն ռմբարկու և «Ինտերի» կիսապաշտպան Հենրիխ Մխիթարյանը ստացել է ձախ ազդրի կիսաջլային մկանի վնասվածք։ Տեղեկությունը հրապարակվել է միլանյան ակումբի պաշտոնական կայքում, հայտնում է ArmSportam-ը։
Մխիթարյանը կմնա խաղադաշտից դուրս մոտ մեկ ամիս։ Նա բաց կթողնի Չեմպիոնների լիգայի երկու խաղ։
36-ամյա ֆուտբոլիստը վնասվածք էր ստացել Իտալիայի առաջնության 8-րդ տուրի «Նապոլիի» դեմ խաղում (1:3 հաշվով)՝ փոխարինվելով հանդիպման 32-րդ րոպեին։
Ակումբը նշել է, որ Մխիթարյանի վերականգնման ընթացքը կգնահատվի առաջիկա շաբաթներին՝ կախված բուժման արդյունքներից։
