Իսրայելը դեմ է՝ Գազայում, թուրք զինվորների տեղակայմանը
Իսրայելի արտաքին գործերի նախարար Գիդեոն Սաարը հայտարարել է, որ Իսրայելը չի համաձայնի թուրք զինվորների ներկայությանը Գազայում։ Այդ մասին փոխանցում է APA-ն։
Սաարի խոսքով՝ այն երկրները, որոնք ցանկանում են զորքեր ուղարկել Գազա, պետք է արդար և չեզոք վերաբերմունք ունենան Իսրայելի նկատմամբ։
«Էրդողանի գլխավորությամբ Թուրքիան թշնամական դիրքորոշում է որդեգրել ոչ միայն հայտարարություններով, այլև դիվանագիտական և տնտեսական քայլերով։ Մենք չենք ընդունի թուրքական ուժերի ներկայությունը Գազայում և այդ մասին արդեն տեղեկացրել ենք մեր ամերիկացի գործընկերներին», - նշել է Սաարը։
