ԱՄՆ ՊՆ նախարարի հրամանն` Իրանի սպառնալիքների ֆոնին
ԱՄՆ պաշտպանության նախարար Փիթ Հեգսեթը հրամայել է ուժեղացնել Ամերիկայի օդուժը Մերձավոր Արևելքում՝ Իրանի սպառնալիքներին դիմակայելու համար: Այս մասին ասված է Պենտագոնի խոսնակ Շոն Փարնելի հայտարարության մեջ։
Պարնելն ասել է, որ հրամանը կատարվել է ԱՄՆ նախագահ Դոնալդ Թրամփի «խաղաղություն ուժի միջոցով» հրահանգին համապատասխան։ Հեգսեթը հրամայել է ԱՄՆ Կենտրոնական հրամանատարության ծովային դիրքն ամրապնդել ավիակիրներով և «հավելյալ էսկադրիլիաների և այլ օդային միջոցների տեղակայմամբ, որոնք էլ ավելի կամրապնդեն մեր հակաօդային պաշտպանության հնարավորությունները»:
«Միացյալ Նահանգները և նրա գործընկերները շարունակում են հավատարիմ մնալ տարածաշրջանային անվտանգությանը Միացյալ Նահանգների Կենտրոնական հրամանատարության գործողությունների տարածքում և պատրաստ են արձագանքել ցանկացած պետական կամ ոչ պետական գործողության, որը նպատակ ունի ընդլայնել կամ սրել հակամարտությունը տարածաշրջանում»,- ասել է նա:
