Հանգիստ նստեք տեղներդ. Ալեն Սիմոնյան

«Հայաստան» խմբակցության պատգամավոր Արծվիկ Մինասյանն ԱԺ նախագահ Ալեն Սիմոնյանին հորդորել է կոռեկտության դասեր տալ ոչ թե ընդդիմադիրներին, այլ՝ Նիկոլ Փաշինյանին։

«Դուք կոռեկտության ձեր լիմիտը սպառել եք, հատկապես, ձեր ղեկավարի՝ երեկ այս ամբիոնից հնչեցրած վիրավորական հայտարարությունները չզսպելու ու չգնահատելու առումով, հետևաբար, խորհուրդ կտամ սկսել ձեզնից»,- ասել է նա։

Ալեն Սիմոնյանը ի պատասխծան ասել է, որ երկրորդում է վարչապետի երեկվա բոլոր արտահայտությունները։

«Պատասխանը տրվել է, կգաք, կբանավիճենք, մնացած պարագայում բոլորդ հանգիստ նստեք տեղներդ»,- ասել է Սիմոնյանը:

Արծվիկ Մինասյանը նշեց՝ այդ ՔՊ-ականները պետք է հանգիստ նստեն տեղները, որովհետև շուտով գալու է նրանց պատասխան տալու ժամանակը։

Հիշեցնենք, որ երեկ ԱԺ-ում կառավարության հետ հարցուպատասխանի ժամանակ Փաշինյանը հունից դուրս է եկել և վիրավորական արտահայտություններ արել նախկին 3 նախագահների հասցեին: