Ձեզ պատերով կտամ․ Փաշինյան

ՀՀ ԱԺ-կառավարություն հարցուպատասխանի ժամանակ Նիկոլ Փաշինյանն անդրադարձել է Ղարաբաղյան հարցին և նշել․

«Սերժ Սարգսյանն առաջինն էր, որ 2020թ․ նոյեմբերի 9-ից հետո դուրս թռավ և ասեց՝ կապիտուլյացիա։ Այն բանակցային բովանդակությունը, որ թողել էր Սարգսյանը, այդ կետից որևէ հնարավոր գործողություն չկար, որը նույն տրամաբանության մեջ հնարավոր լիներ ձևակերպել, քան կապիտուլյացիա։ Եթե կար, թող այդ գործողությունն աներ։ Իրենց ամբողջ գործն ինչ է, որ իրենց կառուցած կապիտուլյացիան փաթաթեն ուրիշների, կոնկրետ իմ վզին։

Բոլորն ասում են՝ մենք իր հետ բանավիճելու բան չունենք։ Բան չկա բանավիճելու, ձեններդ կտրեք, վեր ընկեք տեղներդ։ Եթե բանավիճում եք, եկեք խոսենք։ Ես ասում եմ՝ Ձեզ հետ չեմ բանավիճի, ձեզ պատերով կտամ և ձեր քաղաքական դիակի մնացորդները դուրս կհանեն, երեքիդ էլ վերաբերում է։ Ես ձեզ ոտի տակ կտամ, ոչ թե ձեզ հետ կբանավիճեմ։ Եվ գիտեն իրենք դա, դրա համար էլ չեն գալիս»,- ասել է վարչապետը։