Չի կարող վիշտ չառաջացնել․ Փաշինայնը ցավակցել է
ՀՀ վարչապետ Նիկոլ Փաշինյանը ցավակցել է Ղազախստանի արեւմուտքում գտնվող Ակտաու քաղաքի մոտ ադրբեջանական ինքնաթիռի վթարի հետ կապված։
«Ցավակցում եմ Բաքու-Գրոզնի չվերթի զոհերի ընտանիքներին։ Առօրյա կյանքով ապրող մարդկանց պատուհասած ողբերգությունը չի կարող վիշտ չառաջացնել»,- գրել է Փաշինյանը X սոցիալական կայքում։
Հիշեցնենք՝ Ղազախստանի արեւմուտքում գտնվող Ակտաու քաղաքի մոտ ադրբեջանական ավիաընկերության մարդատար ինքնաթիռ է կործանվել: Ինքնաթիռում եղել է 67 ուղևոր և անձնակազմի 5 անդամ։ Ըստ նախնական տեղեկությունների՝ միջադեպի պատճառ է դարձել ինքնաթիռի բախումը թռչունների երամի հետ: Հաղորդվում է նաև, որ ինքնաթիռում պայթել է թթվածնի բալոնը, մարդիկ սկսել են կորցնել գիտակցությունը։ Ականատեսների խոսքով՝ մինչ այդ շարժիչի մեջ թռչուն է հայտնվել։ Ղազախստանի արտակարգ իրավիճակների նախարարությունից հայտնել են, որ ինքնաթիռի վթարից ողջ մնացածները 29-ն են: Ղազախստանի առողջապահության նախարարությունից հայտնում են, որ ողջ մնացածների թվում են Ադրբեջանի 14, Ռուսաստանի 10, Ղրղզստանի 2 քաղաքացիներ: Եվս 3 տուժածների քաղաքացիությունը ճշտվում է։
