Քաղաքականություն

ՀՀ և ԱՄՆ պաշտոնյաները մեկնել են Սյունիք

ՀՀ և ԱՄՆ պաշտոնյաները մեկնել են Սյունիք

«Թրամփի ուղի՝ հանուն միջազգային խաղաղության և բարեկեցության» (ԹՐԻՓՓ) ծրագրի շրջանակում Հայաստանի և ԱՄՆ պաշտոնյաների մասնակցությամբ համատեղ այց է կազմակերպվել Սյունիքի մարզ։ Այս մասին հաղորդվում է «ԹՐԻՓՓ Հայաստան / TRIPP Armenia» ֆեյսբուքյան էջի առաջին հրապարակման մեջ։



Հայկական կողմից այցին մասնակցում են ՀՀ արտաքին գործերի նախարարության ներկայացուցիչները, իսկ ամերիկյան կողմից՝ Հայաստանում ԱՄՆ գործերի ժամանակավոր հավատարմատար Դեյվիդ Ալենը և ԱՄՆ պետքարտուղարության քաղաքականության պլանավորման հարցերով ավագ խորհրդական Ջոն Ասքոնասը։



Նախատեսվում են հանդիպումներ տեղական ինքնակառավարման մարմինների ներկայացուցիչների և համայնքների բնակիչների հետ։



Քննարկումների ընթացքում անդրադարձ է կատարվելու ԹՐԻՓՓ-ի միջոցով տարածաշրջանային փոխկապակցվածության ամրապնդմանը և նոր հնարավորությունների ստեղծմանը։



Պաշտոնյաները նախատեսում են նաև այցելել Մեղրիի մոտակայքում ԹՐԻՓՓ երթուղու համար նախատեսվող վայրեր։



Հիշեցնենք, որ 2025 թվականի օգոստոսի 8-ին Վաշինգտոնում ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը ստորագրել են համատեղ հռչակագիր, որը ներառում է նաև Հայաստանի տարածքով «Թրամփի ուղի՝ հանուն միջազգային խաղաղության և բարգավաճման» (TRIPP) նախագծի իրականացումը։



2026 թվականի հունվարի 14-ին հրապարակվել է TRIPP նախագծի իրականացման շրջանակը։


Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8426) Միջազգային (3618) ԱՄՆ (2435) Ռուսաստան (2401) Իրան (1827) Ընտրություններ (1286) Ուկրաինա (970) Երևան (839) Իսրայել (774) Ադրբեջան (705) Փաշինյան (639) Եվրոպա (548) Ազգային ժողով (527) Ընդդիմություն (510) Թրամփ (469)

Radio Aurora

Լսել Radio Aurora

Գովազդային տարածք

300x250