Նրան չի հաջողվում վերջին շրջանում զսպել իրեն. Պեսկով

Ուկրաինայի նախագահ Վլադիմիր Զելենսկու կոշտ և ոչ դիվանագիտական արտահայտությունները համաշխարհային առաջնորդների հասցեին կապված են նրա հուզական ծանրաբեռնվածության հետ։ Նման կարծիք է հայտնել ՌԴ նախագահի մամուլի քարտուղար Դմիտրի Պեսկովը՝ լրագրող Պավել Զարուբինի հետ զրույցում։

Զելենսկին կոպիտ կերպով արձագանքել է Ռուսաստանի առաջնորդ Վլադիմիր Պուտինի խոսքերին Արևմուտքի հետ «տեխնոլոգիական մենամարտի» մասին, ինչպես նաև կտրուկ է արտահայտվել Հունգարիայի վարչապետ Վիկտոր Օրբանի՝ Սուրբ Ծննդյան տոների ժամանակ զինադադար կնքելու առաջարկի մասին:

«Ցավոք, նրան (Զելենսկուն) չի հաջողվում վերջին շրջանում զսպել իրեն։ Ամենայն հավանականությամբ, ազդում է էմոցիոնալ ծանրաբեռնվածությունը, հավաքվելու անկարողությունը: Այստեղից էլ նման կոպտություն՝ նույնիսկ մի երկրի նկատմամբ, որը նախագահում է ԵՄ-ում։ Նա կոպտում է Վիկտոր Օրբանին։ Նյարդերը չեն դիմանում»,- եզրափակել Է Կրեմլի ներկայացուցիչը: