Առինջում ցրտից հիվանդանում են, վնասվում է էլեկտրատեխնիկան. ՀԷՑ-ի պարզբանումը
Կոտայքի մարզի Առինջ գյուղի բնակիչները Auroranews-ին ահազանգում են, որ վերջին օրերին տեղի են ունենում երկարատև հոսաքարզրկումներ: Մասնավորապես, բավական ցուրտ եղանակային պայմաններում 10-15 ժամով հոսանքազրկումների հետևանքով այլ խնդիրներից զատ շատերը` այդ թվում նաև երեխաները, հիվանդացել են:
Առինջի բնակիչները հայտնեցին նաև, որ էլեկտրաէներգիայի միանալու ժամանակ տեղի են ունենում, այսպես ասած, հոսանքի վոլտաժի տատանումներ: Ավելի ստույգ` առավոտյան ժամերին վոլտաժը հասնում է 270-ի, իսկ երեկոյան` 140-ի: Սրա հետևանքով վնասվում են էլեկտրատեխնիկան, իսկ էլետկտական շարժիչով ավտոմեքաների լիցքավորումը խափանվում է:
Առինջնի բնակիչները վրդովված են, որ ՀԷՑ-ում իրենց հստակ պատասխան չեն տալիս ստեղծված իրավիճակի վերաբերյալ` հորդորելով գրավոր դիմում ներկայացնել:
Auroranews-ի հարցմանն ի պատասխան ՀԷՑ-ից հայտնեցին, որ այդ տարածքում նոր ենթակայան է կառուցվում` հոսանքի տատանումները կարգավորելու համար, և այսօր ևս տեղի կունենա պլանային հոսանքազրկում:
Նախօրեին տեղի ունեցած հոսանքազրկումները ևս պայմանավորված են նոր ենթակայանի կառուցման աշխատանքներով:
