ՈւՇԱԴՐՈւԹՅՈւՆ. Խոշոր հոսանքազրկում Երևանում

Մոտ մեկ ժամ առաջ քաղաքացիները  Auroranews-ին ահազանգել էին, որ Երեւանի մի շարք հատվածներում էլետրականության խոշոր անջատում է եղել: Մեզ հայտնել էին նաև, որ Երեւանի մոտավոր կեսում լույս չկա:

 Auroranews-ի հետ զրույցում Բարձրավոլտ Էլեկտրական ցանցերից հայտնեցին, որ իրենց մոտ ոչ մի տեխնիկական խնդիր չի եղել՝ ոչ ենթակայաններում, ոչ օդային գծերում: Խնդիրներ եթե կան, ապա ՀԵՑ-ի բարձրավոլտում: Auroranews-ին նաեւ հաջողվեց զրուցել ՀԵՑ-ի ներկայացուցչի հետ, որն ասաց, որ խնդիրը ՀԵՑ-ի բարձրավոլտում է, այս պահին փորձում են հասկանալ պատճառները: Auroranews-ը ՏԿԵ-ին նախարարությունից էլ տեղեկացավ, որ Հայաստանի Ատոմային էլեկտրակայանում ամեն ինչ կարգին է, որեւէ խնդիր չի արձանագրվել:

Քիչ առաջ Auroranews-ին ՀԷՑ-ից փոխանցեցին, որ ՀՀ էլեկտրաէներգետիկական համակարգում տեղի ունեցած վթարի պատճառով այսօր՝ ժամը 11:17-ից տեղի է ունեցել էլեկտրաէներգիայի մատակարարման ընդհատում, որի հետեւանքով հոսանքազրկվել են Քանաքեռավան, Զովունի, Ձրվեժ, Բագրեւանդ թաղամասերը, Բալահովիտ գյուղը, Երեւանի Ավան, Քանաքեռ, Դավթաշեն, Աջափնյակ վարչական շրջանները, Արաբկիր վարչական շրջանի մի մասը։

«Հայաստանի էլեկտրական ցանցեր» ընկերության օպերատիվ աշխատանքի արդյունքում ժամը 11:40 բոլոր թաղամասերի էլեկտրամատակարարումը վերականգնվել է։