Քոչարյանի գործով դատավորը՝ ՔՊ խմբակցության անդամ լինելու մասին

Այսօր հակակոռուպցիոն դատարանի դատավոր Սարգիս Պետրոսյանը հաստատեց, որ 2018 թվականին եղել է իշխող «Քաղաքացիական պայմանագիր» կուսակցության անդամ և ընդգրկվել է կուսակցության նախընտրական ցուցակում:

Պետրոսյանը նախ հայտարարեց, որ երբեք չի թաքցրել, որ կուսակցության ցուցակում է եղել, նույնիսկ ներկա է եղել Նիկոլ Փաշինյանի նախընտրական հանդիպումներից մեկին։ Բայց Վարդևանյանը չհանձնվեց՝ շարունակելով հետաքրքրվել, թե ինչպես է հայտնվել այնտեղ։ Արդյունքում դատավորը հրաժարվեց պատասխանել` ասելով, որ իշխող քաղաքական թիմից առաջարկ է ստացել միանալու և խորհրդարանական ընտրություններին մասնակցելու։ Նա ընդունել է առաջարկը, սակայն կարճ ժամանակ անց հրաժարվել է դրանից։

«Բազմաթիվ անգամ հայտարարություններ են հնչել, որ նախընտրական ցուցակում ընդգրկվելու համար լուրջ ֆիլտրեր կան։ Չափազանց կարևոր է, որպեսզի բացահայտվի դատավարության մասնակիցների համար, թե ինչպես է եղել, որ դուք դարձել եք «Իմ քայլը» դաշինքի անդամ»,–ասաց Վարդևանյանը։