ՔԿ և ՊԵԿ նախագահները նշանակվեցին

Կառավարության նիստի մեկնարկին Նիկոլ Փաշինյանը հայտարարություններ արեց, համառոտ ներկայացնելով նորանշանակ ղեկավարների  կենսագրությունները։

«Մենք պետք է որոշում ընդունենք Արթուր Պողոսյանին՝ ՔԿ նախագահ և Էդուարդ Հակոբյանին ՊԵԿ նախագահ նշանակելու մասին։ Ե՛վ պարոն Պողոյանը, և՛ պարոն Հակոբյանը նոր մարդիկ չեն մեզ համար։ Պարոն Պողոսյանը 2 տարի գլխավոր դատախազի տեղկալ է, պարոն Հակոբյանը արդեն 2 տարի ֆինանսների նախարարի տեղակալ է, դրանից էլ առաջ նրանք համապատասխանաբար աշխատել են իրավապահ համակարգում»,-  ասաց Նիկոլ Փաշինյանը։

Գործադիրը հավանություն տվեց փաթեթին և Արթուր Պողոսյանը նշանակվեց ՔԿ նախագահ, Էդուրադ Հակոբյանը՝ ՊԵԿ նախագահ։ Վարչապետը շնորհավորեց նշանակումների կապակցությամբ։

ՔԿ և ՊԵԿ նորանշանակ նախագահները շնորհակալություն հայտնեցին վարչապետին բարձր վստահության համար։