Բայդենի կոչը՝ Նեթանյահուին

Մոսկվայում այսօր ԱՄՆ նախագահ Ջո Բայդենն Իսրայելի վարչապետ Բենյամին Նեթանյահուի հետ հեռախոսազրույցի ընթացքում նրան կոչ է արել ՀԱՄԱՍ-ի հետ համաձայնագիր կնքել Գազայի հատվածում պատանդների ազատման և կրակի դադարեցման վերաբերյալ:

 Բայդենի և Նեթանյահուի զրույցը տեղի է ունեցել Իսրայելի նախարարների կաբինետի կողմից Լիբանանում հրադադարի մասին համաձայնագրի հաստատումից հետո և վերաբերել Է ՀԱՄԱՍ-ի հետ գործարքին և պատանդների ազատ արձակմանը:

«Հիմա մենք հնարավորություն ունենք։ Եկեք ազատենք պատանդներին», - ասել Է Բայդենը, նրան մեջբերում են Axios պորտալի աղբյուրները։

Նրանց խոսքով՝ Իսրայելի վարչապետը դրական է արձագանքել՝ ասելով, որ ցանկանում է փորձել (ազատել պատանդներին): Ինչպես պորտալին հայտնել է Իսրայելի բարձրաստիճան նախարարը, Նեթանյահուն շահագրգռված է հասնել պատանդների ազատմանը, բայց այնպես, որ այդ գործարքը նրան չպարտադրի համաձայնել պատերազմի դադարեցմանը և Գազայից իսրայելական զորքերի ամբողջական դուրսբերմանը:

«Նախ պետք է ավարտվեր Լիբանանի պատերազմը։ Այժմ ՀԱՄԱՍ-ն ավելի թույլ վիճակում է, քանի որ «Հեզբոլլահը» դուրս է եկել պատերազմից», - ասել է նախարարը։

Ավելի վաղ Իսրայելի և ԱՄՆ-ի պաշտոնյաները ենթադրում էին, որ Լիբանանում հրադադարի մասին համաձայնագիրը կմեծացնի ՀԱՄԱՍ-ի հետ գործարք կնքելու հնարավորությունները:

Հիշեցնենք, որ իսրայելցի զինվորականները և լիբանանյան շիական «Հըզբոլլահ» շարժումը պայմանավորվել են հրադադարի մասին, նոյեմբերի 27-ին ռազմական գործողությունները դադարել են: Ավելի ուշ ՀԱՄԱՍ-ը հանդես եկավ հայտարարությամբ, որ պատրաստ է Գազայի համաձայնագրի, սակայն այն պետք է ներառի պատերազմի դադարեցում և անկլավից իսրայելական զորքերի ամբողջական դուրսբերումը: