Իրանի Հարավային Խորասան նահանգի ածխահանքում գազի պայթյունի հետևանքով զոհվել է առնվազն 30 մարդ, վիրավորվել՝ 17-ը։ 24 մարդ դեռևս անհետ կորած է համարվում։

Միջադեպը տեղի է ունեցել նախօրեին երեկոյան Տաբաս ածխահանքի երկու բլոկում։ Գործակալության տեղեկություններով՝ պայթյունի ժամանակ այնտեղ աշխատել է 69 հանքափոր։

Տեղի իշխանությունները նախազգուշացրել են, որ տուժածների թիվը կարող է ավելանալ, քանի որ մարդիկ կարող են մնալ փլատակներում: Դեպքի վայրում աշխատում են 40 փրկարար և 13 շտապօգնության մեքենաներ:

Հանքահորում տեղի ունեցած պայթյունը հրդեհի չի հանգեցրել, հանքահորում աշխատող մարդկանց շնչահեղձության պատճառ է դարձել թունելներում մեթանի արտանետումը: