Auroranews-ն ահազանգ էր ստացել, որ պայթյուն է տեղի ունեցել Մալաթիա-Սեբսաստիա հատվածում դեպի Լենինգրադյան փողոց, գազալցակայններից մեկում մեքենա է պայթել: 

Auroranews-ը մանրամասն տեղեկություններ ստանալու համար կապ հաստատեց ՆԳՆ։

«Սեպտեմբերի 21-ին ժ.16․50-ին, ՆԳՆ ՓԾ ՃԿԱԿ 911 ահազանգման կենտրոն ահազանգ է ստացվել, որ Սեբաստիայի փողոցի թիվ 37/3 հասցեում գտնվող հեղուկ գազի գազալցակայանում տեղի է ունեցել պայթյուն։ Դեպքի վայր են մեկնել ՆԳՆ ՓԾ մարտական 4 հաշվարկ։

Պարզվել է, որ նախնական տվյալներով պայթյունը տեղի է ունեցել հեղուկ գազալցակայանի շինության տեխնիկական հատվածում։

Ըստ նախնական տվյալների՝ կա 3 տուժած»,- նշեցին մեզ հետ զրույցում։