Հրդեհ է բռնկվել Սաքարյա քաղաքի Հենդեք թաղամասի գործարանում: Այս մասին հայտնում է TRT Haber-ը:

«Անհայտ պատճառով մակարոնեղենի արտադրամասում պայթյուն է տեղի ունեցել, որից հետո հրդեհ է բռնկվել»,- ասվում է հաղորդագրության մեջ։

Նախնական տեղեկություններով՝ միջադեպի հետևանքով տուժել է 20 մարդ, ովքեր` տեղափոխվել են մոտակա հիվանդանոցներ։

 Հրշեջ-փրկարարները շարունակում են պայքարել գործարանում բռնկված հրդեհի մարման համար: 

Փաստի առթիվ հետաքննություն է ընթանում։