Սոլակ գյուղում մեքենա գողացած 22-ամյա երիտասարդը հայտնաբերվել է Մասիսում

Հունիսի 30-ի առավոտյան 112 ծառայություն ստացված ահազանգով Կոտայքի մարզի Սոլակ գյուղի բնակիչը հայտնել է տան մոտ կայանված իր «Շևրոլե» մակնիշի ավտոմեքենայի գողության մասին։

Կոտայքի մարզային քննչական վարչությունում նախաձեռնված քրեական վարույթի շրջանակում Հրազդանի համայնքային ոստիկանների ձեռնարկած միջոցառումները արագ արդյունք են տվել՝ Համայնքային ոստիկանության Մասիսի բաժնի աշխատակիցների և Արարատի մարզի պարեկների հետ համատեղ աշխատանքի շնորհիվ։ 

Պարզվել է, որ մեքենայի հափշտակությունը կատարել է Սոլակ գյուղի 22-ամյա բնակիչը։ Հուլիսի 1-ին երիտասարդն ու գողացված տրանսպորտային միջոցը հայտնաբերվել են Մասիս քաղաքում և տեղափոխվել Հրազդանի բաժին։ Երիտասարդը ներկայացվել է նախաքննական մարմին, իսկ նախաքննությամբ հանգամանքները պարզվում են։