Տուսկը ՆԱՏՕ-ի գագաթնաժողովում Լեհաստանի պատվիրակությանը կոչ է արել Ուկրաինային ֆինանսական աջակցության նոր խոստումներ չտալ

Լեհաստանի վարչապետ Դոնալդ Տուսկը կոչ է արել ՆԱՏՕ-ի հուլիսի 7-8-ը կայանալիք գագաթնաժողովին մասնակցող լեհական պատվիրակությանը զերծ մնալ Ուկրաինային նոր ֆինանսական աջակցության վերաբերյալ հայտարարություններից։

Վարշավայում կայացած մամուլի ասուլիսի ընթացքում Տուսկը նշել է, որ Լեհաստանի առաջնահերթությունը ՆԱՏՕ-ի և Եվրամիության արևելյան սահմանների ամրապնդումն է, այլ ոչ թե Ուկրաինայի ֆինանսավորումը։

«Կոչ եմ անում ամբողջ պատվիրակությանը զգուշավոր լինել Լեհաստանի կողմից հերթական ֆինանսական աջակցության վերաբերյալ որևէ հայտարարություն անելիս», — ասել է վարչապետը։

Նրա խոսքով՝ Լեհաստանը մեծ պատասխանատվություն է կրում Եվրամիության ամբողջ արևելյան սահմանի անվտանգության ապահովման հարցում, և այդ հանգամանքը պետք է հաշվի առնեն բոլոր գործընկերները։

Ուկրաինան վերջին տարիներին պետական բյուջեն ձևավորում է զգալի պակասուրդով՝ ակնկալելով այն լրացնել արևմտյան ֆինանսական աջակցությամբ։ 2026 թվականի բյուջեով նախատեսված են մոտ 116 միլիարդ դոլարի ծախսեր և շուրջ 68,6 միլիարդ դոլարի եկամուտներ, իսկ տարբերությունը Կիևը մտադիր է ծածկել արտաքին ֆինանսավորման հաշվին։