«ԱԼԵՔՍ 33»-ի լցակայանը 2.2 մլն դրամով տուգանվել է

ՀՀ Շուկայի վերահսկողության տեսչական մարմնի կողմից ստուգում է անցկացվել բենզինի և դիզելային վառելիքի մանրածախ առևտրով զբաղվող «ԱԼԵՔՍ 33» ՍՊԸ-ի լցակայանում, որը գտնվում է ք․ Վաղարշապատ, Մանուշյան 4/4 հասցեում։

Այս մասին հայտնում են շուկայի վերահսկողության տեսչական մարմնից: Ստուգման ընթացքում արձանագրված թերլիցքավորման պատճառով տնտեսվարող սուբյեկտը ենթարկվել է վարչական պատասխանատվության՝ 2 239 209 (Երկու միլիոն երկու հարյուր երեսունինը հազար երկու հարյուր ինը) ՀՀ դրամի չափով։ 

Հայտնաբերված իրավախախտման պատճառով Շուկայի վերահսկողության տեսչական մարմնի ղեկավար Արմեն Կոտոլյանի կարգադրությամբ լցակայանում մեկ ամիս ժամանակով փակցվել է «Մենք տուգանվել ենք թերլիցքավորման համար» գրությամբ պաստառ։