17:00 Լուրերը մեկ տողով. Մեռելոցի նոր կարգից ու սահմանների դրոշներից մինչև Թրամփի սկանդալային արգելքը

Անցած ժամվա լուրերը՝ հակիրճ և բովանդակային.

•Օրենքում ընդունված փոփոխություններով Մեռելոց օրերը կամրագրվեն տոների և հիշատակի օրերի ցանկում, սակայն դրանց ոչ աշխատանքային լինելու հարցը կորոշի Կառավարությունը:

•Ազգային ժողովն ընդունեց «Հայաստանի Հանրապետության պետական դրոշի մասին» օրենքում փոփոխությունների նախագիծը, որով Հայաստանի դրոշները կտեղադրվեն երկրի բոլոր բնակավայրերի հիմնական մուտքերում:

•Վճռաբեկ դատարանի դատավոր Նաիրա Հովսեփյանը, արձագանքելով իր Վճռաբեկ դատարան գնալու հարցին, նշեց, որ ունի 30 տարվա դատավորի փորձ, և իր ամբողջ ընթացքը եղել է թափանցիկ:

•Վարչապետ Նիկոլ Փաշինյանը Թեհրանում մասնակցել է Իրանի Իսլամական Հանրապետության գերագույն առաջնորդ Ալի Խամենեիի հրաժեշտի պաշտոնական արարողությանը:

•Չինաստանի ԱԳՆ-ն հայտարարեց, որ Հորմուզի նեղուցով նավերի անցման հարցը պահանջում է ճիշտ լուծում՝ հաշվի առնելով բոլոր շահագրգիռ կողմերի շահերը:

•Դոնալդ Թրամփի վարչակազմը քննարկում է ծրագիր, որով հղի կանանց մուտքը ԱՄՆ կարող է արգելվել՝ ծննդյան իրավունքով քաղաքացիությունը սահմանափակելու նպատակով:

•Լիտվայի Սեյմում գրանցվել է օրինագիծ, որը նախատեսում է Սահմանադրությունից հեռացնել միջուկային զենքի տեղակայումն արգելող հոդվածը:

•Ֆրանսիայի սուպերմարկետներից մեկում գնորդների միջև ծեծկռտուք է տեղի ունեցել օդորակիչների և օդափոխիչների համար՝ սպասվող շոգի ալիքի նախաշեմին: