Իրանը նոր խոշոր գնորդ է փնտրում. բանակցությունները Ճապոնիայի հետ են

Իրանը քննարկումներ է սկսել ճապոնական ընկերությունների հետ նավթի մատակարարումներ իրականացնելու նպատակով։

Իրանը բանակցություններ է սկսել ճապոնական ընկերություններին նավթ մատակարարելու շուրջ, հայտնում է Ռոյթերսը՝ հղում անելով աղբյուրներին։ Նրանց տվյալներով՝ պոտենցիալ գնորդները ձգտում են հասնել ԱՄՆ պատժամիջոցներից ավելի երկարատև բացառությունների, ինչպես նաև Պարսից ծոցում նավագնացության անվտանգության երաշխիքների։ 

Ավելի վաղ՝ հունիսին, ԱՄՆ-ը թույլատրել էր իրանական նավթի սահմանափակ վաճառքը՝ մեղմացնելով պատժամիջոցների ռեժիմը Թեհրանի հետ ավելի լայն համաձայնության հասնելու փորձերի շրջանակում։ ԱՄՆ ֆինանսների նախարարության գործող թույլտվությունը թույլ է տալիս իրանական ծագման նավթի, նավթաքիմիայի և նավթամթերքի արտահանումը մինչև օգոստոսի 21-ը։