Թաիլանդում 11-ամյա տղայի կողմից մեքենայի վրաերթի հետևանքով զոհվել է 9 վանական

Թաիլանդում 11-ամյա տղան, որը, ըստ տեղեկությունների, գողացել է հոր մեքենան, վրաերթի է ենթարկել բուդդայական վանականների խումբ, ինչի հետևանքով զոհվել է 9 մարդ։ Այս մասին հայտնում է The New York Times-ը։

Դեպքը տեղի է ունեցել հուլիսի 2-ի կեսօրին Մուկդահան նահանգում։ Վանականների խումբը՝ 34 մարդ, քայլարշավով շարժվում էր դեպի տաճարներ, երբ բեռնատարը մխրճվել է նրանց մեջ։

Նշվում է, որ 5 վանական մահացել է տեղում, ևս 4-ը՝ ավելի ուշ հիվանդանոցում։ 18 վանական գտնվում է վերակենդանացման բաժանմունքում։

Ըստ հաղորդագրության՝ տղային բնութագրում են որպես «հատուկ խնամքի կարիք ունեցող երեխա»։ Նա ձերբակալվել է ոստիկանության կողմից և տարվել հարցաքննության։