ՏԵՍԱՆՅՈՒԹ․ Մենք ամեն օր էլ ձախողում ենք, ես ամեն օր էլ տեսնում եմ ձախողումը․ Փաշինյան

Հանցավորության ցուցանիշը տարեցտարի աճում է, ԱԺ-Կառավարություն հարցուպատասխանի ժամին հայտարարեց «Հայաստան» խմբակցության պատգամավոր Ագնեսա Խամոյանը։

«ՀՀ քաղաքացին իր երեխային մեծացնում է մի մթնոլորտում, որտեղ թմրանյութ ձեռք բերելը կոնֆետ ձեռք բերելու պես հեշտ գործընթաց է դարձել։ Հասել ենք մի կետի, որ զինված հանցագործին շարքային ոստիկան է գնում վնասազերծելու, մինչդեռ 18 տարեկան ցուցարարին կարող է վնասազերծել, օրինակ, Հայկազ Ջոմարդյանը»,-ասաց պատգամավորը։

Հարցին պատասխանեց վարչապետ Նիկոլ Փաշինյանը և նշեց, թե գնացել է օպերատիվ քննչական խումբը, ինչն իր պարտականությունն է։

«Արձանագրենք, որ թմրանյութերի շրջանառության աճը կապված է տեխնոլոգիաների, այդ թվում՝ Տելեգրամ ալիքների օգտագործման մասսայականացման հետ, որն ամբողջ աշխարհում պրոբլեմ է»,-հավելեց նա և կարծիք հայտնեց՝ հանցավոր ենթամշակույթը շարունակում է տիրապետող լինել։

«Ուզո՞ւմ եք ցույց տալ, որ կան բազմաթիվ ձախողումներ... այդ ձախողումներն ամեն օր են, ցանկացած կառավարում ձախողումների և չձախողումների համախումբ է։ Էական է, թե մենք կարողանո՞ւմ ենք դա հասկանալ։ Մենք ամեն օր էլ ձախողում ենք, ես ինձ համար ամեն օր էլ տեսնում եմ ձախողումը։ Եթե դուք ձեր ձախողումները չեք տեսնում, դա վատ է, կամ լավ՝ չգիտեմ»,-ասաց Փաշինյանը։

Մանրամասները՝ տեսանյութում։