Դուրովը կարող է կալանքի տակ մնալ մինչև օգոստոսի 28-ը․ Փարիզի դատախազություն
Փարիզի դատախազությունը մանրամասներ է ներկայացրել Telegram-ի հիմնադիր Պավել Դուրովի ձերբակալությունից։
Հաղորդվում է, որ Դուրովը ձերբակալվել է 2024 թվականի հուլիսի 8 - ին սկսված հետաքննության շրջանակներում։
Նաև նշվում է, որ Դուրովը կարող է կալանքի տակ մնալ մինչև օգոստոսի 28-ը։ Նրան մեղադրանք է առաջադրվել 12 հանցանքի համար։
Հիշեցնենք, որ Telegram-ի հիմնադիր Պավել Դուրովը ձերբակալվել է Փարիզի Լե Բուրժե արվարձանի օդանավակայանից բերման ենթարկվելուց հետո։ Դուրովը մասնավոր ինքնաթիռով Ֆրանսիա է ժամանել Բաքվից:
Ավելի վաղ հայտնել էինք, որ Reuters-ը՝ հղում անելով Ֆրանսիայի ոստիկանության գրել է՝ Պավել Դուրովը մեղադրվում է Telegram-ում ֆինանսական և կիբերհանցագործությունների հարցերով համագործակցությունից հրաժարվելու համար։
