Պաշտպանության փոխնախարարը` զինվորի մահվան դեպքի մասին

Պաշտպանության փոխնախարար Արման Սարգսյանը զինծառայող Նարեկ Թորոսյանին ինքնասպանության հասցնելու դեպքի մանրամասների մասին չի խոսում։

«Յուրաքանչյուր դեպքով նախաքննություն է իրականացվում, ձեր հարցը հղեք նախաքննական մարմնին»,- Aysor.am-ի հետ զրույցում հայտարարեց Սարգսյանը։

Պաշտպանության փոխնախարարը  նշեց՝ դեպքը ցավալի է։

«Բնականաբար, աշխատանքներ պետք է տարվեն»,- հավելեց նա։

Հիշեցնենք` հուլիսի 21-ին ՊՆ N զորամասի զինծառայող Ն.Թ.-ի մահվան դեպքի առթիվ նախաձեռնված քրեական վարույթի նախաքննության ընթացքում վերջինիս համածառայակից կրտսեր սերժանտի նկատմամբ հարուցվել է հանրային քրեական հետապնդում՝ Քրեական օրենսգրքի 522-րդ հոդվածի 2-րդ մասի 1-ին, 2-րդ և 3-րդ կետերով, իսկ շարքային զինծառայողի նկատմամբ՝ 522-րդ հոդվածի 2-րդ մասի 1-ին և 3-րդ կետերով (զինծառայողին անզգուշությամբ ինքնասպանության հասցնելը):