Ռուբիոն` Լավրովի հետ հանդիպման մասին

ԱՄՆ պետքարտուղար Մարկո Ռուբիոն հինգշաբթի հայտնել է, որ ՌԴ ԱԳՆ ղեկավար Սերգեյ Լավրովի հետ հանդիպման ընթացքում իրենք քննարկել են երկու երկրների հարաբերությունների հարցերը, ինչպես նաև Ուկրաինայի հակամարտությունը:

Լավրովը և Ռուբիոն հինգշաբթի առավոտյան հանդիպում են ունեցել Մանիլայում: Լավրովը հաստատել է Ռուսաստանի պատրաստակամությունը Ուկրաինայի հակամարտության քաղաքական-դիվանագիտական կարգավորմանը, ինչպես նաև նշել է Կիևի ռեժիմին սպառազինությամբ հետագա մատակարարման անթույլատրելիությունը: Կողմերը պայմանավորվել են շարունակել շփումները արտաքին քաղաքական գերատեսչությունների գծով, հայտնել են ՌԴ ԱԳՆ-ում:

«Այսօր հանդիպել եմ Ռուսաստանի արտաքին գործերի նախարար Սերգեյ Լավրովի հետ: Մենք քննարկել ենք ռուս-ամերիկյան հարաբերությունները և Ռուսաստանի ու Ուկրաինայի հակամարտության դադարեցման անհրաժեշտությունը», - գրել է Ռուբիոն X սոցիալական ցանցում: