Ուկրաինան 35 կմ խորացել է Կուրսկի մարզում. ISW

Ուկրաինայի զինված ուժերը 35 կմ խորացել են Ռուսաստանի Դաշնության Կուրսկի մարզում։ Այս մասին հայտնում է Պատերազմի ուսումնասիրման ամերիկյան ինստիտուտը։

«Երկրատեղորոշման լուսանկարները ցույց են տալիս, որ ուկրաինական զորքերը ներկա են ռուսական շրջաններում, որոնք գտնվում են Ուկրաինայի Սումիի մարզի հետ սահմանից 35 կմ հեռավորության վրա: Սակայն ուկրաինական զորքերն, անշուշտ, չեն վերահսկում Կուրսկի մարզի այն ամբողջ տարածքը, որի գրավման մասին գրում են ռուս ռազմական թղթակիցները»,- նշել է ISW-ն X-ի իր միկրոբլոգում։