Մահվան ելքով վրաերթ՝ Արմավիրի մարզում․ 24-ամյա վարորդը «Mercedes»-ով վրաերթի է ենթարկել հետիոտնին. հետիոտը մահացել է

Երեկ՝ հուլիսի 29-ին, մահվան ելքով վրաերթ է տեղի ունեցել Արմավիրի մարզում։ Ժամը 21։00-ի սահմաններում Արմավիրի մարզի բնակիչ 24-ամյա Նարեկ Ն․-ն իր վարած «Mercedes» մակնիշի ավտոմեքենայով Երասխահուն գյուղի 1-ին փողոցում վրաերթի է ենթարկել հետիոտին, Արմավիրի մարզի բնակիչ 70-ամյա Ջանիբեկ Գ․-ին։

Ինչպես հայտնում է shamshyan.com-ը, վիրավորին քաղաքացիներն իրենց ուժերով տեղափոխել են «Վաղարշապատ» բժշկական կենտրոն, սակայն կարճ ժամանակ անց տղամարդը, գիտակցության չգալով, մահացել է։ Վարորդն ինքնակամ ներկայացել է ոստիկանության Արմավիրի բաժին։

Քննիչի հանձնարարականով ավտոմեքենան տեղափոխվել է ոստիկանության Արմավիրի բաժնի պահպանվող հատուկ տարածք։

Վարորդը ենթարկվել է սթափության փորձաքննության, եղել է սթափ։