Գելենջիկում ԱԹՍ-ի հարձակման զոհերի թիվը հասել է 6-ի, նրանցից 3-ը երեխաներ են

Ռուսաստանի Կրասնոդարի երկրամասի Գելենջիկ քաղաքի Արխիպո-Օսիպովկա ավանում ուկրաինական անօդաչու թռչող սարքերի հարձակման հետևանքով զոհերի թիվը հասել է 6-ի, որոնցից 3-ը երեխաներ են։ Այս մասին հայտնել է Կրասնոդարի երկրամասի նահանգապետ Վենիամին Կոնդրատևը։

Վերջին տվյալներով՝ մոտ 40 մարդ տուժել է, որոնցից 17-ը հոսպիտալացվել են։ Առողջապահության նախարարության տվյալներով՝ 4 տուժած, այդ թվում՝ երեխաներ, գտնվում են ծանր վիճակում։ Մնացածներին բժշկական օգնություն է ցուցաբերվում։

Տեղական իշխանությունների փոխանցմամբ՝ օգոստոսի 3-ին անօդաչու թռչող սարքերը հարվածել են Գելենջիկի քաղաքացիական ենթակառուցվածքներին։ Դեպքի վայրում աշխատում են օպերատիվ ծառայությունները։

Հիշեցնենք, որ ավելի վաղ հաղորդվում էր 3 զոհի և 13 վիրավորի մասին, սակայն ավելի ուշ պաշտոնական տվյալները թարմացվել են։