Ֆրանսիայում ժամը 17:00-ի դրությամբ ընտրությունների երկրորդ փուլի քվեարկությանը մասնակցել է ընտրողների 59,71%-ը
Ֆրանսիայի խորհրդարանի ստորին պալատի՝ Ազգային ժողովի արտահերթ ընտրությունների երկրորդ փուլի քվեարկությանը ժամը 17:00-ի դրությամբ մասնակցել է ընտրողների 59,71 տոկոսը։ Այս մասին հայտնում է РИА Новости–ն՝ Ֆրանսիայի ներքին գործերի նախարարությանը հղումով։
Ըստ Ֆրանսիայի ՆԳՆ տվյալների՝ 2022 թվականի խորհրդարանական ընտրություններին ժամը 17։00-ի դրությամբ քվեարկել էր ընտրողների 38,11 տոկոսը։
Նշենք, որ տեղի ժամանակով ժամը 12։00-ի դրությամբ քվեարկությանը մասնակցել էր ընտրողների 26,63 տոկոսը, ինչը ռեկորդային էր։
