ՔՊ-ն որոշել է՝ ովքեր իրավունք ունեն մասնակցելու ընտրություններին, իսկ ովքեր՝ ոչ․ Քրիստինե Վարդանյան

««Քաղաքացիական պայմանագիր» կուսակցությունն իր վարչության նիստերում որոշում է, թե որն է Հայաստանը, որ գյուղերն են հայկական, որոնք՝ ոչ։ Հիմա էլ նույն կերպ որոշել է, թե Հայաստանի Հանրապետության քաղաքացիներից ովքեր իրավունք ունեն մասնակցելու ընտրություններին, իսկ ովքեր՝ ոչ։ »,- նշել է ԱԺ «Հայաստան» խմբակցության պատգամավոր Քրիստինե Վարդանյանը։

Նրա խոսքով՝ իշխանությունը խոսում է բանակում ծառայելու կամ այլ պարտականություններից խուսափելու մասին, մինչդեռ հարցը վերաբերում է Հայաստանի Հանրապետության քաղաքացիների ընտրական իրավունքին։ Ըստ բանախոսի՝ այն քաղաքացիները, որոնք ծառայում են բանակում, վճարում են հարկեր և կատարում են իրենց բոլոր պարտականությունները պետության հանդեպ, չպետք է զրկվեն ընտրելու իրավունքից։