Վարդավառը որոշ վարորդների համար վերածվել է «մղձավանջի». «Հրապարակ»
Վարդավառը որոշ վարորդների համար տոնից վերածվել է «մղձավանջի»։ Այս մասին գրում է «Հրապարակ» օրաթերթը։
Տվյալները օրաթերթին փոխանցել են ՆԳՆ լրատվական ծառայությունից:
Հուլիսի 7-ին, ՀՀ ՆԳՆ ոստիկանության պարեկային ծառայության աշխատակիցները հանրապետության ողջ տարածքում ուժեղացված ծառայություն են իրականացրել եւ «հայտնաբերել» 3 հազար 300 իրավախախտում, 125 հոգին եղել է ոչ սթափ վիճակում, 140 անձ մեքենան վարել է մգեցված ապակիներով, 255 հոգի գերազանցել է արագությունը, 813 վարորդ մեքենան վարել է առանց ամրագոտու, վարելու ընթացքում ծխելու համար տուգանվել է 65 հոգի, հեռախոսով խոսելու համար՝ 64։ Կան նաեւ այլ իրավախախտումներ։ Տուգանային հրապարակ է տեղափոխվել 79 մեքենա։
Հիշեցնենք, որ կիրակի օրը հայերը նշում էին Հայ առաքելական եկեղեցու հինգ տաղավար տոներից մեկը՝ Քրիստոսի պայծառակերպության տոնը կամ Վարդավառը։
Մանրամասները` «Հրապարակ» օրաթերթի այսօրվա համարում։
