ՏԵՍԱՆՅՈՒԹ.Մինչ Փաշինյանն ու ֆոն դեր Լայենը հանդիպում էին, կառավարության մոտ բողոքի ակցիա էր

Մինչ կառավարությունում Եվրոպական հանձնաժողովի նախագահ Ուրսուլա Ֆոն դեր Լայենը Նիկոլ Փաշինյանի հետ հանդիպմանը հայտարարություններ է հնչեցնում Հայաստանին աջակցելու և Ռուսաստանի կողմից տնտեսական բռնության ենթարկվելու մասին, շենքի դիմաց բազմաթիվ քաղաքացիներ բողոքի ակցիա են իրականացնում՝ պահանջելով քաղբանտարկյալների ազատ արձակում։

Ակցիայի մասնակիցներին թույլ չեն տվել մոտենալ կառավարության շենքին, և այդ վայր են բերվել բազմաթիվ ոստիկաններ։ Մարդիկ հավաքվել են ՔԿՀ-ներում ու տնային կալանքներում գտնվող սրբազանների, ինչպես նաև քաղաքական-հասարակական գործիչների լուսանկարներով։ Նրանք հիշեցնում են, որ այդ անձինք բանտարկված են իրենց քաղաքական հայացքների ու ազատ խոսքի համար, և որ ուշացած արդարադատությունը հավասար է մերժված արդարադատության։

 Ակցիայի մասնակիցները միաժամանակ մերժում են բռնապետությունը, որի հաստատման փորձեր են արվում Հայաստանում։