Եգիպտոսում բնակելի շենքի փլուզման հետևանքով զոհերի թիվը հասել է 14-ի
Եգիպտոսի Ասյուտ նահանգում բնակելի շենքի փլուզման հետևանքով զոհերի թիվը հասել է 14-ի:Այս մասին հաղորդել է Al Ahram թերթը։
Պարբերականի տվյալներով՝ փրկարարական գործողությունը տևել է ավելի քան 24 ժամ։ Փլուզման հետևանքով վիրավորվել և հիվանդանոցում բուժում է ստանում 6 մարդ։
Նախնական տվյալներով՝ շենքի փլուզման պատճառ կարող էին լինել ճակատի բազմաթիվ ճաքերը, ինչպես նաև դրա ճակատային հատվածի սխալ վերանորոգումը։
