SHAMSHYAN.com-ի տեղեկություններով ՀՀ Ներքին գործերի նախարարության ոստիկանության Երևան քաղաքի վարչության քրեական հետախուզության բաժնի 2-րդ բաժանմունքի ծառայողները աչքի են ընկնում ոչ միայն հետախուզման մեջ, այդ թվում առանձնապես ծանր հանցագործությունների համար գտնվող անձանց հայտնաբերման գործում, այլ նաև բազմաթիվ հանցագործությունների, այդ թվում առանձնապես ծանր դեպքեր են կանխել ու նախականխել։ Նրանց կողմից հայտնաբերվել է նաև մեծ քանակի ապօրինի զենք ու զինամթերք։

Հուլիսի 2-ին, նշված բաժանմունքում օպերատիվ տեղեկություններ են ստացվել, այն մասին, որ Երևանի բնակիչ 39-ամյա Գագիկ Հ․-ն իր մոտ պահում է ապօրինի զենք ու զինամթերք և երբեմն էլ կրում է այն։

Տեղում պարզվում է, որ ստացված օպերատիվ տեղեկությունները հավաստի էին։ Նրա մոտ հայտնաբերվում է «Մակարով» տեսակի մարտական ատրճանակ՝ լիցքավորված 8 փամփուշտներով և մոխրացված հետքերով կաթոցիչ, ինչպես նաև ծալովի դանակ։

Գ․ Շամշյանի տեղեկություններով՝ Գագիկ Հ․-ն նախկինում եղել է մի քանի անգամ դատապարտված, այդ թվում սպանության համար և Քանաքեռում հայտնի է որպես քրեական հեղինակություն։