Արթուր Աբրահամը Մայք Թայսոնին հայկական կոնյակ է նվիրել
Տարբեր քաշային կարգերում բռնցքամարտի աշխարհի նախկին չեմպիոն Արթուր Աբրահամը շնորհավորել է աշխարհի նախկին բացարձակ չեմպիոն Մայք Թայսոնին ծննդյան 58-րդ տարեդարձի առթիվ։ Այս մասին հայտնում է armsport.am-ը։
Լեգենդար ամերիկացին ծննդյան օրը նշել է Բեռլինում։ Արթուր Աբրահամը ծննդյան օրվա առթիվ նրան հայկական կոնյակ է նվիրել։«Ծնունդդ շնորհավոր իմ կուռք Մայք Թայսոն»,- հրապարակմանը կից գրել է Արթուրը
Հիշեցնենք, որ Մայք Թայսոնը 1980-1990-ականներին դարձել է աշխարհի բացարձակ չեմպիոն ծանր քաշային կարգում։
