Ռուստեմ Ումերովը նշանակվել է Ուկրաինայի արտաքին հետախուզության ծառայության ղեկավար

Ուկրաինայի նախագահ Վլադիմիր Զելենսկին Ռուստեմ Ումերովին նշանակել է Ուկրաինայի արտաքին հետախուզության ծառայության ղեկավար։

Ավելի վաղ այս մասին հայտնել էին «Ուկրաինական պրավդան» և «ՌԲԿ-Ուկրաինա»-ն՝ հղում անելով իրենց աղբյուրներին, իսկ ավելի ուշ տեղեկությունը հաստատել է նաև Զելենսկին։

Նախագահի խոսքով՝ Ումերովը կշարունակի համակարգել մի շարք առանցքային ուղղություններ, այդ թվում՝ համագործակցությունը ԱՄՆ-ի և այլ գործընկերների հետ, պաշտպանության և դիվանագիտության հարցերը, պատերազմի ավարտին միտված բանակցային գործընթացը, ինչպես նաև անօդաչու համակարգերի ոլորտը։

Հիշեցնենք, որ հուլիսի 17-ին Զելենսկին հայտարարել էր Ազգային անվտանգության և պաշտպանության խորհրդի քարտուղարի պաշտոնում փոփոխության մասին՝ այդ պաշտոնում առաջարկելով նախկին ներքին գործերի նախարար Իգոր Կլիմենկոյին։ Ուկրաինական լրատվամիջոցների տվյալներով՝ այդ ժամանակ Ումերովը դիտարկվում էր նաև ԱՄՆ-ում Ուկրաինայի դեսպանի պաշտոնի թեկնածուների թվում։