Թուրքիան շարունակում է Հայաստանի հետ սահմանին գտնվող երկաթուղու վերակառուցումը

Հայաստանի հետ սահմանին գտնվող երկաթուղային գծի վերակառուցման աշխատանքները շարունակվում են ամբողջ ծավալով, հայտնում են թուրքական ԶԼՄ-ները։

Կարսի նահանգի Աքյաքայի շրջանի ղեկավար Իսմայիլ Դեմիրթաշը այցելել է շինհրապարակ և ծանոթացել աշխատանքների ընթացքին։

Այցի ընթացքում նա մանրամասն տեղեկություն է ստացել աշխատանքների ներկա վիճակի մասին։ Ստուգայցը կենտրոնացած է եղել ռելսերի թարմացման, ենթակառուցվածքի ամրապնդման, տեխնիկական սպասարկման և վերանորոգման, ինչպես նաև երկաթուղային գծի անվտանգության բարձրացմանն ուղղված միջոցառումների վրա։

Հայաստանի հետ սահմանին գտնվող այս ռազմավարական նշանակության երկաթուղային գծում աշխատանքների ավարտը միտված է ենթակառուցվածքի արդիականացմանն ու բարելավմանը, փոխադրումների անվտանգության բարձրացմանը և ապագայում երկաթուղային տրանսպորտի զարգացմանը նշանակալի նպաստ բերելուն։

Նշվել է, որ տեխնիկական սպասարկման, վերանորոգման և վերակառուցման աշխատանքների ավարտից հետո գիծը կարդիականացվի, կդառնա ավելի անվտանգ, արդյունավետ և կկարողանա ծառայել երկար տարիներ։