Մի քանի երկրներում էլեկտրականություն չկա. ինչ է տեղի ունեցել
Բոսնիա և Հերցեգովինան, Չեռնոգորիան և հարևան մյուս երկրները գրեթե ամբողջությամբ հոսանքազրկվել են էլեկտրահաղորդման գծում բռնկված հրդեհի պատճառով: Այս մասին հայտնում է Avaz պարբերականը։
Լրատվամիջոցը գրում է, որ ամբողջ էներգետիկ համակարգը շարքից դուրս է եկել, այդ պատճառով չեն կարողանում աշխատել հիդրոէլեկտրակայաններն ու ջերմաէլեկտրակայանները։
Նշվում է նաև, որ այժմ էլեկտրաէներգիայի հետ կապված խնդիրներ են նկատվում նաև Խորվաթիայի, Ալբանիայի և Հունաստանի որոշ հատվածներում:
Օգտատերերը նշում են, որ ջուր չկա, համացանցն աշխատում է խափանումներով։
