ՏԵՍԱՆՅՈՒԹ․ 18 մլն բնակչությամբ Էկվադորը մնացել էր առանց էլեկտրականության

Հարավային Ամերիկա մայրցամաքում գտնվող Էկվադորում էլեկտրահաղորդման գծի խափանումից և արտադրող հզորության անջատումից հետո մոտ 18 մլն բնակչությամբ երկիրը մնացել է առանց էլեկտրականության:

Տեղական լրատվամիջոցների փոխանցմամբ՝ մետրոն կանգ էր առել, քաղաքներում երթեւեկությունը դժվարացել էր, լուսացույցները չեն աշխատել, տներում ջուր չկար, ամենուր կապի ու ինտերնետի հետ կապված լուրջ խնդիրներ կային։

Համացանցում նաև տեսանյութեր և լուսանկարներ են հրապարակվել։ 

Հաղորդվում է, որ առանց լույսի մնացած էլեկտրամատակարարումն արդեն վերականգնվել է 95 տոկոսով: Նշվում է, որ երկրի տարածքում էլեկտրականության անջատումը վթարի հետևանք է։

Էկվադորը ամիսներ շարունակ բախվում է էներգետիկ ճգնաժամի՝ ռեկորդային երաշտի պայմաններում ամբողջ երկրում հիդրոէլեկտրակայանների զանգվածային անջատումների, ինչպես նաև հարևան Կոլումբիայից էլեկտրաէներգիայի մատակարարման դադարեցման պատճառով։