ՏԵՍԱՆՅՈՒԹ. Ներքին Հանդում ևս պետք է սահմանազատում արվի. Նիկոլ Փաշինյանը` բնակիչներին

Ներքին Հանդում բնակիչները Նիկոլ Փաշինյանին են ներկայացրել գյուղի հիմնական խնդիրները։

Խմելու ջրագծի կառուցումն այժմ ընթացքի մեջ է։ Փաշինյանի հարցին, թե որն է ամենակարեւոր հարցը գյուղում, գյուղացիները ասել են, որ տանիքների խնդիրն է, Փաշինյանն էլ խոստացել է, որ այն կլուծվի առաջիկայում։

Փաշինյանը նաեւ խոսել է սահմանազատումից եւ ասել, որ Ներքին Հանդում եւս պետք է սահմանազատում արվի: Նա նաեւ բնակիչներին ցուցադրել է Ոսկեպարում սահմանազատումից հետո տեղադրված փշալարերը:

«Հիմա որ Ոսկեպարում սահմանազատում ենք արել, այ սենց վիճակ է, ցանկապատը քաշած, անվտանգությունը ապահոված, ոչ կով է անցնում, ոչ մարդ է անցնում, գիշերն էլ մարդիկ հանգիստ քնում են:Նույնն էլ պետք է այստեղ անենք, որովհետեւ լուծումը էդ ա, ժողովուրդ»,-ասաց նա` բնակիչների հետ զրույցում:

Մանրամասները` տեսանյութում: