ՏԵՍԱՆՅՈՒԹ. Կրակոցներ են լսվել Դոնի Ռոստովի մեկուսարանի շրջանում
Կրակոցներ են լսվել Դոնի Ռոստովի մեկուսարանի շրջակայքում, որտեղ 6 մեղադրյալներ առևանգել էին մեկուսարանի 2 աշխատակիցներին: Այս մասին տեղից հայտնում է «Իզվեստիայի» թղթակիցը։
Սոցցանցերում հայտնվել են կադրեր, որոնցում կրակոցների ձայներ են լսվում։
Ըստ «Shot» տելեգրամյան ալիքի 2 պատանդներն ազատ են արձակվել, 6 մեղադրյալներից 2-ը` սպանվել, կան նաև վիրավորներ:
Ավելի վաղ հայտնել էինք, որ Ռոստովի քննչական մեկուսարանում մեղադրյալները պատանդ են վերցրել երկու աշխատակցի: Պատանդների ազատման ուղղությամբ բանակցություններ են ընթանում։ Հաղորդվել են նաև նոր մանրամասներ:
