«Իրենց շարասյան մարդկանց հավաքել էին ու փորձում էին որպես Սոթքի բնակիչ ներկայացնել»․ Գեղարքունիքի մարզպետ
Հունիսի 5–ին «Տավուշը հանուն հայրենիքի» շարժումը երթով մեկնել էր Գեղարքունիքի մարզ, ապա հանրահավաք իրականացրել սահմանամերձ Սոթքում, որտեղ 2022–ից ի վեր թշնամու կողմից օկուպացված տարածքներ կան։
Ըստ մամուլուլում շրջանառվող տեղեկությունների՝ Գեղարքունիքի մարզպետ Կարեն Սարգսյանը խստիվ արգելել է մարզպետարանի ենթակայության տակ գտնվող հիմնարկների աշխատակիցներին մասնակցել «Տավուշը հանուն հայրենիքի» շարժման` Սոթքում հրավիրած հանրահավաքին:
ArmLur.am-ը Գեղարքունիքի մարզպետից հետաքրքրվել է՝ ի՞նչ հրահանգ է իջեցրել և ինչու՞:
-Ամոթ չունեն, ինչպես կարելի է սուտ «տրյուկներ» անել, որ ներկայացնեն՝ ինչու իրենց մոտ ինչ-որ բան չի ստացվում:
-Պարո՛ն Սարգսյան, ինչը ստացված չէր, բավականին մարդ էր մասնակցում հանրահավաքին:
-Լուրջ եք ասում: Ոչ թե բազմամարդ չէր, այլ ՝ իրենց շարասյան մարդկանց հավաքել էին ու փորձում էին որպես Սոթքի բնակիչ ներկայացնել։
-Պարո՛ն Սարգսյան, բայց մասնակիցները որպես մարզի բնակիչ էին ներկայանում, որտեղից նման համոզմունք ձեզ, որ Գեղարքունիքից չէին նրանք:
-Մի քանի հոգի կարող է մարզից մասնակցած լինեին, էլ չեմ ուզում խոսել այս մասին։
