Դիահերձարան ուղարկված կինը հանկարծակի կենդանացել է․ ԱՄՆ
Մահացած համարվող կնոջը ԱՄՆ-ից բերել են դիահերձարան և հայտնաբերել, որ նա հանկարծակի կենդանացել է։ Այս մասին հայտնում է NBC News-ը:
Նեբրասկա նահանգի 74-ամյա բնակչուհի Կոնստանս Գլանցին մահացած են համարել այն բանից հետո, երբ ծերանոցում բուժքույրերը նկատել են, որ նա չի շնչում: Գլանցի վիճակը ծանր էր, նա գտնվում էր թեւի հոսփիսում, բժշկական անձնակազմը նրան պալիատիվ աջակցություն էր ցուցաբերում։ Երբ հունիսի 3-ի առավոտյան նրա կենսական նշանները դադարել են ֆիքսվել, մարմինը որոշվել է ուղարկել դիահերձարան։
Սակայն Գլանցին տեղափոխելուց մի քանի ժամ անց դիահերձարանի աշխատակիցը նկատել է, որ կինը շնչում է։ Նրան շտապ հոսպիտալացրել են, ընտանիքին նույնպես հայտնել են դեպքի մասին։
Ոստիկանությունը հետաքննություն է սկսել, դեռևս հայտնի չէ, թե արդյոք խախտվել են ինչ-որ արձանագրություններ: Չի հաղորդվում նաև, թե կոնկրետ ինչով է հիվանդ կինը և ինչու է հոսփիսում եղել:
