Ուկրաինան պետք է կարողանա հարվածել Ռուսաստանի ներսում գտնվող ռազմական թիրախներին. Մակրոն
Մենք պետք է թույլ տանք, որ Կիևը հարվածի Ռուսաստանի տարածքում գտնվող այն ռազմական օբյեկտներին, որտեղից այդ երկիրը հարձակումներ է իրականացնում Ուկրաինայի վրա։ Այս մասին հայտարարել է Ֆրանսիայի նախագահ Էմանուել Մակրոնը Գերմանիայի կանցլեր Օլաֆ Շոլցի հետ համատեղ ասուլիսի ժամանակ։
«Մենք կարծում ենք, որ պետք է թույլ տանք նրանց (Ուկրաինային) չեզոքացնել ռազմական օբյեկտները, որտեղից հրթիռներ են արձակվում, և հիմնականում այն ռազմական օբյեկտները, որտեղից հարձակումներ են իրականացվում Ուկրաինայի վրա։
Բայց նրանք իրավունք չպետք է ունենան խոցելու Ռուսաստանում այլ թիրախներ՝ ակնհայտորեն քաղաքացիական թիրախներ կամ այլ ռազմական թիրախներ»,- ասել է նա։
