Ուկրաինայի զինված ուժերը անօդաչուներով հարված են հասցրել Զապորոժիեի ԱԷԿ-ին
Այսօր կամիկաձե անօդաչու է նկատվել Զապորոժիեի ատոմակայանի տարածքում գտնվող ճաշարանի շենքի ուղղությամբ։ Այս մասին ասվում է Զապորոժիեի ԱԷԿ-ի հաղորդման մեջ։
Նշվում է, որ վնասվել է մթերք բեռնաթափող բեռնատարը։
«Անօդաչուի հարձակումից 20 րոպե առաջ, համաձայն ծրագրի, ՄԱԳԱՏԷ-ի փորձագետները շրջել են այս տարածքով։ Գրանցվել է ևս մեկ անօդաչու՝ բեռների նավահանգստի տարածքում»,- հայտնել են Զապորոժիեի ԱԷԿ-ից։
Ուկրաինայի ԶՈւ-ն հարվածել են Զապորոժիեի ատոմակայանի 6-րդ էներգաբլոկի գմբեթին։ Ծանր վիրավորներ կամ զոհեր չկան։ Անվտանգության սահմանների խախտման սպառնալիքներ չեն եղել։
«Զապորոժիեի ատոմակայանի և դրա ենթակառուցվածքի գնդակոծումն անընդունելի է։ Աշխարհում ոչ մի ատոմակայան նախատեսված չէ զինված ուժերի լիարժեք կրակին դիմակայելու համար։ Ենթակառուցվածքային օբյեկտների վնասումը կարող է ազդել ատոմակայանի անվտանգ շահագործման վրա»,- ընդգծվում է հայտարարության մեջ։
