![«Հեզբոլլահ»–ը տասնյակ հրթիռներ է արձակել իսրայելական թիրախների ուղղությամբ](https://auroranews.am/storage/img/base_image/2024-04-07/6612d49185988.webp)
«Հեզբոլլահ»–ը տասնյակ հրթիռներ է արձակել իսրայելական թիրախների ուղղությամբ
![«Հեզբոլլահ»–ը տասնյակ հրթիռներ է արձակել իսրայելական թիրախների ուղղությամբ](https://auroranews.am/storage/img/base_image/2024-04-07/6612d49185988.webp)
Կիրակի լիբանանյան «Հեզբոլլահ»–ը հայտարարել է, որ տասնյակ հրթիռներ է արձակել Գոլանի բարձունքներում գտնվող իսրայելական թիրախների ուղղությամբ:
««Հեզբոլլահը» հայտարարել է, որ տասնյակ «Կատյուշա» հրթիռներ է արձակել օդային ուժերի հետ կապված թիրախների, ինչպես նաև հակահրթիռային պաշտպանության կենտրոնների ուղղությամբ», - հաղորդում է Press TV-ն:
Մերձավորարևելյան լրատվամիջոցներն իրենց հերթին գրում են, որ, ըստ եկող տվյալների, լիբանանյան շարժումը մոտ 40 հրթիռ է արձակել։
Հարձակումների արդյունքների մասին չի հաղորդվում։
Խմբավորման հայտարարության մեջ ասվում է, որ հրթիռներն արձակել են ի պատասխան Բեյրութից մոտ 30 կիլոմետր դեպի արևելք գտնվող Բեքաա հովտում իսրայելական հարվածներին:
Ավելի վաղ իսրայելական զինվորականները հայտնել էին, որ կիրակի ավիահարվածներ են հասցրել «Հեզբոլլահի» օբյեկտներին։