Ջալալ Հարությունյանի գործով նիստն անցել է լարված մթնոլորտում
Սյունիքի մարզի Սիսիանի նստավայրում ՊԲ նախկին հրամանատար Ջալալ Հարությունյանի գործով դատական նիստն անցել է լարված մթնոլորտում։ Այս մասին NEWS.am-ին պատմեցին «Ցորի» զոհված հրետանավորներից մեկի հարազատը։
Նիստն անցել է դռնփակ ռեժիմով, դատարանը քննել է գործով առկա փաստաթղթերը։
«Մեկնարկել է բուն դատական պրոցեսը։ Անցել է լարված մթնոլորտում, քանի որ մեղադրյալի պաշտպանն անընդհատ հերոսացնում է Ջալալ Հարությունյանին, դա նյարդայնացնում է ծնողներին»,- պատմել է զոհվածի հարազատը։
Նշենք, որ նախորդ նիստին զոհվածների հարազատները դատարանին միջնորդել էին գործը քննել Երեւանում, որպեսզի իրենք բոլոր նիստերին կարողանան ներկա գտնվել, սակայն դատարանը մերժել է միջնորդությունը։
